Ferastyrkir Tónlistarsjóðs eru veittir á tveggja mánaða fresti. Hægt er að sækja um ferðastyrki vegna m.a. tónleika og tónleikaferða, þátttöku í sendinefndum, fagtónlistarhátíða og frumflutnings á tónverkum eftir tónskáld.

Ekki er gerð krafa um að umsækjendur komi fram á ákveðnum lágmarksfjölda tónleika heldur metur úthlutunarnefnd gildi og umfang hvers verkefnis í heild sinni og í samhengi við markmið sjóðsins.
Mest er hægt að sækja um ferðastyrki fyrir 8 manneskjur hverju sinni eða samtals 600.000 kr fyrir verkefni innan Evrópu og 800.000 kr. fyrir verkefni utan Evrópu.
Ekkert hámark er á fjölda ferðastyrkja sem umsækjendur geta fengið úthlutað yfir árstímabil.
Ekki er hægt að sækja um ferðastyrki vegna hljóðritunar erlendis.

‍
‍Mat á umsóknum

‍Úthlutunarnefnd ferðastyrkja metur umsóknir út frá markmiðum deildarinnar og almennum matsviðmiðum Tónlistarsjóðs:

‍40% – Verkefnið: Úthlutunarnefnd metur hvort verkefnið sé vel skilgreint, áhugavert, unnið faglega og af metnaði.
‍20% – Umsækjandi og þátttakendur: Úthlutunarnefnd metur hve sannfærandi er að umsækjandi og þátttakendur nái settum markmiðum með tilliti til faglegs og listræns bakgrunns.
40% – Fjárhagsáætlun: Úthlutunarnefnd metur hvort fjárhagsáætlun sé raunsæ og sýni fram á fjárþörf verkefnisins með skýrum hætti.

‍
Sækið um ferðastyrki hér >>>